懶理黃心穎出新歌 許志安預告明年香港開騷

久未露面的許志安（安仔）前晚出席《萬眾同心公益金》，現場演繹新歌《不枉》，現場反應不俗。安仔透露早前到美國開騷，現正斟洽到澳門個唱，至於香港何時開騷，他則回應︰「最快都要下年，因為仲未入紙申請，如果明年未得，我都想喺較細嘅場開mini show先。」安仔指對上一次在港舉行個人演唱會，已是2015年，因此非常期待再在港開騷。

此外，提到黃心穎將再推出新歌，安仔似乎早有準備回答︰「我知道，但無回應，大家向前看啦。」另一方面，《中年好聲音》的顏志恒前晚喜與偶像安仔同場，即把握機會上前集郵。顏志恒上載合照並留言︰「作為您嘅忠實粉絲，我終於可以面對面，望住你對眼，親口同你講『我支持咗你20幾年，我會繼續永遠支持你』。」最令顏志恒驚喜的是，安仔稱有聽過他唱歌，令他喜上眉梢。